ЕУ денеска треба да донесе одлука за построги санкции кон Русија

Претставници на Европската Унија денеска во Брисел треба да донесат одлука за спроведување построги санкции спрема Русија поради кризата во Украина.

Медиумите објавија дека ЕУ планира да додаде уште пет лица, и најмалку двe руски банки на црната листата на компании и поединци кои биле вклучени во сепаратистичкото движење во Украина.

Од друга страна, пак, рускиот претседател Владимир Путин побарал од домашната индустрија за оружје да го прекине увозот и посочил дека руската воена индустрија е подготвена да произведува се што и е неопходно.