Расте плаќањето со платежни картички
Место кеш, граѓаните се повеќе користат платежни картички и електронско банкарство, покажуваат податоците на Народна банка. Во третиот квартал од минатата година бројот на трансакции со картички пораснал за над 10, а вредноста на трансакциите за повеќе 13 проценти...
Паричниците на граѓаните се сè полесни. Една од причините е што сè повеќе се плаќа со платежни картички наместо со банкноти. Граѓаните велат, со платежни картички е полесно, но сакаат да имаат и кеш.
Плаќањето со платежни картички најчесто се користи за плаќање сметки преку интернет.
Во третиот квартал од минатата година, бројот на трансакциите со картички пораснал за над 10, а вредноста на трансакциите за повеќе од 13 проценти, покажуваат податоците на Народна банка.
Зголемена е и трговијата преку интернет за околу 30 отсто. Употребата на апликации за мобилно плаќање се зголемила за 50 проценти во однос на 2023-та.
Мобилните апликации за плаќање стануваат сè попопуларни, бидејќи нудат побрзи и поедноставни решенија за платежни трансакции, објаснуваат од Народна банка.
Ирина Гелевска