Седница на собраниската Комисија за прашања на изборите и именувањата

Во Собранието денеска седница ќе одржи Комисијата за прашања на изборите и именувањата.

На дневен ред на Комисијата како прва точка е јавната расправа за утврдување на Предлог – одлука за избор на заменик – директор на Агенцијата за заштита на личните податоци.

Пратениците ќе треба да го разгледаат и барањето за остварување на плата по престанок на функцијата на член на Комисијата за заштита на конкуренцијата, на директорот на Агенцијата за заштита на личните податоци, како и на замениците на генералниот секретар на претседателот на Република Северна Македонија.

За 10 јануари, пак, е закажана 29. пленарна седница на која на дневен ред се пет интерпелации.