Злоупотреба при увоз на половни возила
24 лица заработија кривична пријава за криумчарење на возила. Меѓу нив цариници, шпедитери и увозници. Го оштетиле буџетот за повеќе од 146 илјади евра. За вработените во Царинската управа кои ја злоупотребиле својата позиција започнати се дисциплински постапки...
24 лица цариници, шпедитери и увозници на возила фатени за криумчарење на возила. Сите заработија кривична пријава. Царинската управа откри организиран криминал со стари возила, кои се продавале на плацовите ширум земјава. Ги фалсификувале документи и фиктивно го извршувале транзитот. Возилата биле пуштени во слободен промет и завршиле на авто плацови низ Македонија.
Проценетата вредност на возилата кои биле прокриумчарени според надлежните достигнува 20 милиони денари.
Проценките се дека со оваа активност на Буџетот на државата е нанесена директна штета од 9 милиони денари.
До Основното јавно обвинителство за организиран криминал и корупција се поднесени кривични пријави за 19 физички и 5 правни лица за неколку сторени дела.
Овие возила се пронајдени, одземени привремено ставени под царински надзор, сè додека не биде случајот не добие разрешница. Пронајдени се на различни авто плацови, додаде првиот човек на Царинската управа. За осум лица вработени во Царина изречени се дисциплински постапки.
Од Царина велат дека за случајот нема да се чека да заврши судскиот процес за осомничените да бидат отстранети од работа, ако се докаже нивната вмешаност во случајот.
Игор Панов