Трамп по оставката на Трудо: Канада треба да се спои со САД

Новоизбраниот американски претседател Доналд Трамп, по оставката на канадскиот премиер, Џастин Трудо, оцени дека би било добро Канада да се спои со САД да стане 51-та американска држава.

Според Трамп, Вашингтон повеќе не може да ги издржи големите трговски дефицити и субвенции што и се потребни на Канада за да опстане, велејќи дека Трудо го знаел тоа и затоа поднел оставка.

Вчера, Конгресот ја потврди изборната победа на Доналд Трамп за претседател и Џеј Ди Венс за потпретседател на САД. На кратка формална церемонија беа објавени изборните резултати од сите 50 држави и округот Колумбија. Со седницата претседаваше Камала Харис, која во улога на потпретседател на САД ја извршуваше функцијата претседател на Сенатот.