Приведени криминалци барани со потерници

Вчера во 20.55 часот на ул. „Христијан Тодоровски Карпош“ во Скопје полициски службеници од Оперативен тим потраги и Единицата за интервентна полиција при СВР Скопје го лишија од слобода С.Д. (32) од Скопје, кој бил баран со централна потерница за издржување затворска казна од две години за сторено кривично дело во врска со чл. 247 од КЗ, информираат од МВР.

Исто така, на 08.01.2025 во Скопје од страна на полициски службеници од ОКР Кисела Вода лишен од слобода е А.С. (29) од Скопје, кој бил баран со централна потерница по наредба од Основен кривичен суд Скопје за затворска казна од три години и четири месеци за сторено кривично дело по член 215 ст. 1 од КЗ. Лицата ќе бидат предадени на надлежните казнено поправни установи, се наведува во соопштението.