Проширена рамката за санкции на американската „црна листа“ за Западен Балкан

Се проширува рамката за санкции на американската „црна листа“ за Западен Балкан. Новата наредба на претседателот Бајден предвидува измени и дополнувања со кои меѓудругото се опфаќаат и лица блиски членови на веќе санкционирани функционери.

Во однос на дополнетата уредба од 2021-та предвидено е замрзнување на имот и забрана за влез во САД на лица кои ја загрозуваат стабилноста на Западен Балкан, директно или индиректно, вклучувајќи ги оние кои работат против Преспанскиот и Охридскиот договор.

Во указот на Бајден се наведува дека постои значителна корупција во регионот што го поткопува владеењето на правото.