Воведен полициски час во Калифорнија, расте бројот на жртви

Министерството за здравство и социјална заштита на Соединетите Американски Држави прогласи вонредна состојба во јавното здравство за Калифорнија за да се справи со последиците од шумските пожари. Воведен и полициски час. Огнените стихии ги опустошија квартовите на Лос Анџелес на источната и западната страна, убивајќи досега најмалку десет лица и уништувајќи речиси 10 илјади градежни објекти. 

Претседателот Бајден во средата ги прогласи пожарите за голема катастрофа и изјави дека американската влада ќе ги покрие сите трошоци за опоравување во следните шест месеци.