Николас Мадуро положи заклетва за трет шестгодишен мандат
Тој ги обвини своите противници и нивните поддржувачи во САД дека се обидуваат да ја претворат неговата инаугурација на која присуствуваа само 10 шефови на држави, во „светска војна“...
Венецуелски претседател Николас Мадуро положи заклетва за трет шестгодишен мандат и покрај обвинувањата за изборна измама од опозицијата и меѓународните критики. Тој ги обвини своите противници и нивните поддржувачи во САД дека се обидуваат да ја претворат неговата инаугурација на која присуствуваа само 10 шефови на држави, во „светска војна“. САД, Канада, Велика Британија и ЕУ, кои не го признаваат изборот на Мадуро, објавија нов пакет санкции против повеќе од 20 функционери, обвинувајќи ги дека ја загрозуваат демократијата на Венецуела.
Стотици Венецуелци излегоа на улиците да протестираат против Мадуро.