Нови цени на горивата од полноќ

Цената на горивата се зголемуваат од вечерва на полноќ, одлучи Регулаторната комисија за енергетика.

Цената на ЕУРОДИЗЕЛ се зголемува за 1 денар, и од утре ќе се продава по цена од 73,5 денари по литар.

Цената на ЕУРОСУПЕР 98 се зголемува исто за 1 денар и од утре ќе се продава по цена од 81,5 денари. Цената на ЕУРОСУПЕР 95 се зголемува за 1,5 денари, и од утре ќе изнесува 78 денари по литар.

Поскапува и екстралесното масло за домаќинство за 1 денар, и ќе се продава за 73 денари, додека опаѓање има само во цената на мазутот за 0,4 денари, и од утре ќе се продава по цена од 45,3 денари по килограм.