До петок студено со повремени врнежи од снег

Утре и во четврток претпладне ќе се задржи претежно облачно и студено време со повремени врнежи од снег со слаб до умерен интензитет. Ќе дува слаб до умерен северен ветер, информираат од УХМР.

Во петок и за време на викендот ќе преовладува стабилно време со пораст на дневните температури.

Утринските температури во текот на целиот период насекаде ќе бидат под нула, а наместа ќе се спуштаат и под -10 степени.

По некои котлини ќе има појава на магла и пониски дневни температури.