Папа Франциск: Злоупотребата на децата е ужасно злосторство

Папата Франциск денеска изјави дека злоупотребата на деца е страшно злосторство.

„Злоупотребата на малолетници, без оглед на нејзината природа, е одвратен, страшен чин. Тоа не е само зло на општеството, туку и злосторство“, нагласи папата.

Тој исто така истакна дека тоа е „сериозно кршење на Божјите заповеди“.

Папата додаде дека ниту едно дете не треба да трпи злоставување и повика на будење на совеста, блискост и солидарност кон малтретираните деца и адолесценти.