Жесток напад врз Киев

Жесток руски напад врз украинската престолнина. Најмалку четворица загинаа, неколкумина се ранети откако нов бараж ракети паднаа врз Киев. Оштетени се автомобили, административна зграда, бизнис-центар, како и метро-станица во близина до центарот на градот.

Пукнале и водоводни цевки – делови на Киев се соочија со прекинато водоснабдување. Сирените за воздушна тревога се огласиле откако се слушнале експлозиите.

Во нападот биле користени балистички ракети. Оштетената метро-станица се наоѓа веднаш до фабрика за оружје, која повеќепати била цел на руски ракетни напади.