Магла на неколку патни правци низ државата

Сообраќајот на државните патишта се одвива во зимски услови, по наместа влажни коловози. Поради појава на магла, се бележи намалена видливост од 30 до 50 метри во Прилеп и Македонски Брод, од 50 до 70 метри во Струмица и Берово и на патниот правец Тетово – с. Гајре.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

Мостот на река Вардар на регионалниот пат Р1312, кај Башино село е затворен за секаков вид на сообраќај.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.