Земјотрес со јачина од 6 степени го погоди Тајван, има повредени

Земјотрес со јачина од шест степени според Рихтеровата скала го погоди јужниот дел на Тајван рано во вторникот, според Геолошкиот институт на САД, оставајќи 15 лица со полесни повреди.

Земјотресот се случи во 12:17 часот по локално време, со епицентар на 12 километри северно од Јујинг на прелиминарна длабочина од 10 километри, соопшти USGS. Централната метеоролошка управа на Тајван забележа јачина од 6,4 степени.

Нема информации за загинати од земјотресот, иако спасувачите сè уште ја проценуваат штетата.

Тајванската противпожарна служба соопшти дека 15 лица се испратени во болница поради полесни повреди. Меѓу нив имало шест лица, меѓу кои и едно дете, кои биле спасени од урната куќа во округот Нанкси, градот Таинан. Пријавено е дека мостот Жувеи на провинцискиот автопат е оштетен.