Без 1.000 евра тешко се поминува месецот
Синдикалната минимална кошничка за јануари 2025 година изнесува 63.252 денари. Во споредба со кошничката за декември 2024 година, е зголемена за 391 денар. Првиот синдикалец Трендафилов дециден е дека цените на производите фиктивно се намалувале, а трговците се богателе на грбот на граѓаните…
Без 1.000 евра граѓаните тешко можат да го поминат месецот, алармира ССМ. За еден месец синдикалната минимална кошница пораснала за 391 денар. Нејзината вредност за јануари изнесува 63.252 денари. За една година поскапела за дури 100 евра, велат синдикалците.
Од ССМ велат дека инфлацијата не може да изнесува 3,5% со оглед на тоа што живејачката за една година се зголемила за 10,65%. Дека трговците се богателе врз грбот на народот, реагираат и граѓаните.
Од ССМ велат дека можно е да преземат поригорозни мерки за подигање на свеста кај граѓаните за акциите што ги преземаат трговците, кои се покажале како лош пример за македонската економија со оглед на големиот профит лани.
За полесно да се помине месецот, синдикатот побара повисоки плати за граѓаните.
Борис Грујоски