Протести низ Србија, Вучиќ најавува „движење за народот и државата“

„Генералниот штрајк“ во Србија на кој повикаа студентите изнесе на улица илјадници луѓе.

За време на протестот, жена со автомобил влета во толпа граѓани во Нов Белград и повреди студентка. Полицијата ја уапси, а судот и одреди притвор. Паралелно, српскиот претседател организираше партиски митинг и тврди дека Србија е нападната и однадвор и одвнатре.

Илјадници поддржувачи на владејачката Српска напредна партија и нејзините коалициски партнери се собраа во Јагодина. Претседателот Вучиќ од собирот „Движење за народот и државата“ рече дека и покрај сите навреди и груби зборови, ги повикува студентите на дијалог.