Објавен списокот на надворешни советници на премиерот Мицкоски, почната и постапка за нови амбасадори

Премиерот Мицкоски го советуваат 17 експерти. Владата го објави списокот на надворешни советници. На листата има и познати имиња. Мицкоски во економијата се потпира на советите на екс-министерот Ставрески, задолжен за финансии и банкарство, на вицепремиерот за економски прашања Пешевски, а на листата е името на поранешниот прв човек на Законодавниот дом, Трајко Вељаноски кој е надворешен соработник на собраниски, политички и правосуден систем. Амбасадорот Сашо Марковски го советува премиерот за надворешна политика и преговорите со ЕУ, а надворешен советник за европски прашања е и професорот Александар Спасеновски. Во делот на безбедноста, советници се поранешните безбедњаци, Љупчо Андоновски и Горан Николовски. Останува советник и Германецот Јоханес Хајдекер, кој му беше советник и на екс-премиерот Ковачевски.

„Со нивното долгогодишно искуство и во јавниот и во приватниот сектор, надворешните советници ќе ја поддржат Владата во донесувањето информирани одлуки кои се усогласени со најдобрите практики и националните приоритети“, велат од Владата.

Советник за здравство на премиерот Мицкоски му бил и нефрологот Игор Николов, но тој на последната владина седница е предложен за амбасадор во Франција. Владата предложила четворица нови амбасадори, а повеле и постапка за повлекување на деветмина, меѓу кои се амбасадорката во Бугарија, Руси-Поповска, во Црна Гора, Зеќир Рамчиловиќ и Пајо Авировиќ.

Марија Котовска