Најстудено и најмногу снег на Попова Шапка

На Попова Шапка утрово се измерени нула степени Целзиусови, два во Маврови Анови, три во Берово и Лазарополе, четири Крива Паланка, Претор, Крушево, пет степени во Битола и Прилеп, шест Тетово, Охрид, Дебар, Куманово, Велес и Кавадарци, седум степени во Виница и Струмица, осум Скопје-Петровец, Скопје-Зајчев Рид и десет степени во Штип, Демир Капија и Гевгелија.

Во изминатите 24 часа, информираа од УХМР, е наврнат воден талог 21 литар на метар квадратен на Попова Шапка, 15 во Тетово, 14 Дебар, 10 Гевгелија, 8 Маврови Анови, 7 Струмица, 6 Лазарополе, 5 Крушево, 4 Охрид, Претор, 3 во Битола, Куманово и Кавадарци, 2 Скопје-Зајчев Рид, Крива Паланка, Прилеп, Штип, Велес и Тополчани, 1 Скопје-Петровец, Демир Капија, Виница и Берово.

Висината на снежната покривка во 07 часот била 36 сантиметри на Попова Шапка, а 19 на Маврови Анови.