Трамп со нов бран царини

Американскиот претседател Доналд Трамп воведе агресивни царини од 25 насто за Мексико и Канада, како и 10 насто за Кина, како одмазда за, како што велат од Белата куќа „нелегалниот фентанил што тие го купиле и дозволиле да се дистрибуира во земјата“.

Администрацијата на Трамп ги негираше извештаите на дел од медиумите дека ќе има барем некои исклучувања, а не само општи мерки што ги покриваат сите производи.

САД прават околу 1,6 трилиони долари годишно во бизнис со овие три земји. Трамп се обидува да ги користи тарифите како алатка за преговори и како метод за влијание врз промените во надворешната политика, особено за прашањата за имиграцијата и трговијата со дрога.