Оризот во кочанско се откупува по производна цена
Инцидентно и по цени на граница на рентабилност се откупува оризот во кочанско. Расте незадоволството на земјоделците кон откупувачите. Државата се подготвува за откуп на оризова арпа за стоковите резерви...
Петре Димитров произведува и продава ориз 45 години. Од 30 декари, ожнеа 18 тони род. Тој е еден од малкумината кој арпата ја носи на преработка и продава бел ориз на пазарите низ државата. Вели, не сака да зависи од откупувачите.
Цените ги диктираат откупувачите. За земјоделците голем проблем е што компаниите што откупуваат, воедно се и производители и проценители и преработувачи на ориз.
Ланската жетва тежи околу 25 илјади тони арпа. Половина од родот стои во амбарите. Откупувачите велат, терминот за склучување на договори за извоз помина, затоа не откупуваат. Земјоделците сметаат дека заради најавените дополнителни субвенции за предаден ориз, откупувачите ги држат цените ниски.
Од оваа година оризова арпа ќе се откупува и за стоковите резерви, што треба да резултира со зголемување на откупната цена на оризовата арпа.
Славица Величковска