Северна Кореја го критикува Рубио и порача дека нема да толерира „провокации“ од САД

Пјонгјанг денеска упати критики кон американскиот државен секретар Марко Рубио поради неговите изјави дека Северна Кореја претставува закана за мирот.

Севернокорејското Министерство за надворешни работи соопшти дека земјата „никогаш нема да толерира никакви провокации од САД“ и најави „убедливи контрамерки“.

Ова е прва директна критика на Пјонгјанг кон администрацијата на претседателот Доналд Трамп.

Коментарите на Пјонгјанг доаѓаат откако Марко Рубио во неодамнешно интервју ги нарече Северна Кореја и Иран земји што го загрозуваат светскиот мир и со кои „мора да се справиме“ при носењето на меѓународни одлуки.