Листерија: Колбасите и меленото месо се безбедни

Kолбасите и меленото месо не се причина за појава на бакетријата листерија кај луѓето. Изворот допрва ќе се утврдува.

 

Како што соопшти Агенцијата за храна и ветеринарство, типот листерија пронајдена во храната воопшто не соодветствува со онаа кај заболените лица, ниту количински е застапена над дозволеното ниво пропишано со Правилникот и европските стандарди. 

 

Листерија има, но во минимални количини, под 10 колонии на грам што е далеку под дозволеното ниво од 100 колонии на грам во рамки на рокот на траење на производот, рече директорот на АХВ Дејан Рунтевски на прес-конференција.

 

Останува препораката колбасите и меленото месо термички добро да се обработуваат.

 

Според Рунтевски, во тек е земањето примероци од храната во прометот со цел утврдување евентуално присуство на листерија и во увезените производи.