Ништо значајно на релација Скопје-Софија

Ништо значајно не се случува на релација Скопје-Софија и по формирањето политичка влада во Бугарија. Премиерот Мицкоски вели, подготвени сме за дијалог, но не по секоја цена. Прв што не го испочитува Договорот за добрососедство е бугарската влада од 2019-та која наместо поддршка, ни стави вето.

И додека Мицкоски вели оти наследил катастрофална преговарачка рамка, опозиционерот Филипче смета дека владата предводена од неговата партија направила сè што е потребно, од потпис на Преспанскиот договор до Францускиот предлог.

Додека партиите се со различни позиции, министерот Муртезани на средби во Брисел бара поддршка за евроинтеграцијата.

Миле А. Ристески