Екстрадиран Михаилов осуден на доживотен затвор во „Детонатор“

Италијанската полиција синоќа го екстрадираше во Македонија 35 годишниот Симеон Михаилов кој е инволвиран во случајот „Детонатор".

Симеон Михаилов минатото лето беше уапсен во Италија, а во август лани Министерството за правда до италијанските власти ги испрати потребните документи за негова екстрадиција во Македонија.

Михаилов се наоѓаше во екстрадиционен притвор во Италија.

Пресудата доживотен затвор му е изречена на крајот на минатата година во Скопски кривичен суд како осомничен за обид за убиство врз Драганчо Стименов во скопската населба Аеродром, како дел од кочанската група „Детонато. Михаилов доби уште две затворски казни, 4 години за злосторничко здружување и уште 3 години за насилство.