Премиерот Мицкоски ќе присуствува на доделување на станови на социјално ранливите семејства во Општина Велес

Денеска претседателот на Владата на Република Северна Македонија Христијан Мицкоски ќе присуствува на доделување на клучеви од новата зграда наменета за социјално ранливите семејства во Општина Велес (Блок 40-Локалитет 1ГП 2.1).

Објектот е со катност приземје и 5 ката, со 29 станбени единици и вкупно изградена површина од 1.843 м².

Површината на становите е со површина од 39 м² до 45 м², а вкупната инвестиција на објектот изнесува 53.998.717,00 ден денари без ДДВ.

Исто така во Општина Велес ќе се пушти во употреба и реконструираниот спортски терен. Вредноста на проектот е во висина од 23.998.148,70 денари, а средствата се обезбедени од Министерството за спорт. Вкупната површина е 1849 м², односно плоштад 317 м², фитнес терен 95 м², спортско игралиште 1320 м², игралиште за деца 96 м² и пинг-понг маса 21 м².

Како што најавија од владината прес-служба, предвидено е изјава за медиуми да даде премиерот Мицкоски по доделување на клучевите од новата зграда за социјално ранливи семејства.