Трамп очекува следната недела да се сретне со Зеленски

Американскиот претседател Доналд Трамп изјави дека очекува следната недела да се сретне со украинскиот претседател Володимир Зеленски. Трамп истакна и дека има намера да се сретне и со рускиот претседател Владимир Путин.

Украинскиот претседател Зеленски претходно изјави дека е подготвен директно да преговара со Владимир Путин, доколку е тоа потребно за ставање крај на војната.

За време на неговата кампања, Трамп вети дека веднаш ќе стави крај на војната во Украина по неговото враќање на власт.