Голема кражба го остави „Трескавец“ без водовод
Светски познатиот манастирски комплекс „Трескавец“ кај Прилеп никако да го добие водоводот што ќе ги стави во функција обновените конаци. Голема кражба ги одложи и онака задоцнетите работи …
Голема кражба спречи изградениот водовод до манастирот „Трескавец“ да биде ставен во функција со што и официјално обновените конаци да може да пречекуваат посетители.
Пред Нова година, крадците украле кабли и електроника, токму пред да биде пуштен во употреба. Градските власти молчеа и чекаа во март да почнат со обновата на водоводниот систем на овој комплекс кој е во графата на загрозено светско културно наследство. Штетата е околу 10 000 евра.
Треба наново да се бараат средства да се надомести штетата. Прилепските локални власти уверуваат дека откако ќе се обезбедат средства, сè ќе се реши за ден-два.
Водоводот се градеше со 100.000 евра, обезбедени од ТАВ-програмата и со уште 3 милиона денари од буџетот на прилепската локална самоуправа. Најавите беа дека ќе биде готов до крајот на 2023 година.
Елизабета Митреска