Андоновски: Хибридни закани ќе има, важно е како институциите ќе одговорат
Хибридни закани се пораките со предупредувања за поставени експлозивни направи што на електронските адреси ги добија училиштата во петокот, вели министерот за дигитална трансформација Стефан Андоновски. Министерствата за внатрешни работи и за образование и наука, како и општините, во текот на денот постапиле многу соодветно и оти последиците биле решени. Она на што се работи, додава тој, е утврдување на причините зошто тоа се случило...
Хибридни напади преку интернет ќе има и во иднина. Како држава мораме да се заштитиме со протоколи за постапување во случај на дојави за поставени бомби. Надлежните сè уште испитуваат кој е сторителот на последните дојави за поставени експлозивни направи во основните и средните училишта минатиот петок. Но, реакцијата на надлежните е далеку побрза во однос на сличните напади во минатото.
Младите ги демнат опасности и од предизвици на социјалните мрежи. Имавме десетина повредени по предизвикот „Супермен“ на Тик-ток, а за среќа, ниту еден не го прифатил последниот со земање големи дози парацетамол што може да предизвика и смрт.
Затоа, Министерството за дигитална трансформација пред две седмици доставило упатства со препорачани апликации за училиштата и родителите за спречување на штетните предизвици.
За намалување на штетните влијанија на интернетот кај учениците, превентивно во некои општини на сила е забрана за користење мобилни телефони за време на наставата.
Според статистиката, младите на возраст од 15 до 24 години во нашата земја користат интернет секојдневно.
Ирина Гелевска