Доживотен затвор за убиецот на Емилија Пешева
Штипскиот суд изрече доживотна казна затвор на Фадил Зејнелов, кој на почетокот на ноември, лани, ја уби 29-годишната Емилија Пешева со која бил во вонбрачна врска. Тој го призна делото. Причина била неверство …
Основниот суд во Штип изрече доживотна казна затвор на Фадил Зејнелов за убиството на 29-годишната Емилија Пешева. Зејнелов призна вина за убиството на неговата партнерка.
Болката е голема, загубата ненадоместлива, но пресудата е праведна, вели таткото на Емилија.
Мајката Џемиле вели дека пријавувале повеќе пати насилство од страна на Зејнелов, но институциите не реагирале соодветно.
Максималната казана е соодветна за делото, вели адвокатот на родителите.
Доживотна затворска казна за сторителот побараа и обвинителот и семејството Пешеви заради свирепоста, која кулминираше на 1-ви ноември минатата година.
Славица Величковска