Константинос Тасулас избран за претседател на Грција

Со 160 гласа „за“, поранешниот собраниски спикер и кандидат од владејачката Нова демократија e избран за претседател на Грција за време на четвртото гласање во парламентот за шеф на државата.

За Тасулас гласаа целата пратеничката група на нова демократија, вкупно 156 пратеници, двајцата поранешни членови на владејачката партија, сега независни, како и уште двајца независни пратеници. Мандатот на досегашната претседателка, Катерина Сакеларопулу завршува на 13-ти март годинава.