Подготвени сме за разговори за промена на државниот грб, порачуваат од „Вреди“

Подготвени сме за разговори, не само за промена на државниот грб, туку за решавање на сите заостанати прашања од минатото, порака од коалицијата „Вреди“'. ВМРО-ДПМНЕ потврди дека е отпочнат процес на разговори. СДСМ најави дека остро ќе се спротивстави – за опозицијата, изјавите кои доаѓаат од власта се шокантни.

„Вреди“ подготвени за разговор за смена на државниот грб. Се надеваат дека ќе се отвори и темата за 20-те проценти од Уставот. Социјалдемократите велат, остро ќе се спротивставиме.

Министерот Таравари вели дека Македонија е една од ретките постсоцијалистички земји чиј грб не бил променет. Вицепремиерот Меџити посочи дека разговор за темата има, но не и договор, укажувајќи на тоа дека „Вреди“ ќе инсистираат и на менување на одредбата 20 проценти.

Во СДСМ не се изненадени од иницијативата за менување на грбот. Велат, ќе се отворат и други горливи прашања, но ќе се спротивставеле.

„Ниту некогаш било разговарано за промена на химната, ниту пак во иднина ќе се разговара. Граѓаните може да бидат спокојни. Времето на ДУИ и СДСМ на губење и порази на сите теми, со цел да се затскрие криминалот, помина“, реагираат од ВМРО-ДПМНЕ.

Темата за менување на грбот ја обелодени премиерот Мицкоски и додека вреди прифаќаат да дојде до измени извесно е дека идејата е прифатлива и за ДУИ, иако до сега се немаат огласено. Од ЛДП пак веќе пристигна предлог на грбот да стои рисот како обележје на државата.

Миле А. Ристески