Вонредна состојба во Република Српска пред изрекувањето на пресудата на Додик

Владата на Република Српска прогласи вонредна состојба пред изрекувањето на пресудата на претседателот на ентитетот, Милорад Додик. Соопшти дека е подготвена да ги преземе сите неопходни мерки за заштита на институциите имотот и интересите на граѓаните.

Со завршните зборови на одбраната и обвинителството, заврши едногодишното судење на Додик и директорот на Службениот весник, Милош Лукиќ, кои се обвинети за неисполнување на одлуките на високиот претставник на меѓународната заедница во БиХ.

Државниот обвинител побара Додик и Лукиќ да бидат прогласени за виновни и осудени на затворски казни и да им се забрани вршење јавни функции. Одбраната, пак, побара ослободителна пресуда.