Расте бројот на украински бегалци во Русија

Портпаролот на руското министерство за вонредни состојби соопшти дека во последните 24 часа од пограничните украински градови во Русија избегале уште 1.000 лица, со што вкупниот број бегалци достигна над 42.000 луѓе.

Распоредени се во 585 прифатни центри во Русија, а најголемиот број од нив се наоѓаат во Ростовската област, каде што е поставена мобилна амбуланта.

Во меѓувреме, руското министерство на одбрана спроведува воени вежби во кои учевствуваат повеќе од 100 летала во централните и во западните региони на земјата.