21 година од загинувањето на Борис Трајковски

Денеска се навршуваат 21 година од авионската несреќа, во која загинаа поранешниот претседател Борис Трајковски, членовите на неговиот кабинет и екипажот. На гробот на поранешниот претседател, во Алејата на великаните во Бутел, цвеќиња ќе положат сопругата Вилма Трајковска со семејството, од кабинетот на претседателката на државата, делегации од Собранието и од Владата.

Цвеќиња ќе бидат положени и пред Спомен-обележјето во Ротимље, кадешто на 26 февруари 2004-та се урна кингерот, со кој патуваше делегацијата на Меѓународна конференција во Мостар. Причините за авионската несреќа, која предизвика бројни контроверзи во јавноста, се истражуваа со две истраги.

И во двата извештаја, како причина за падот на авионот беа наведени пилотски грешки и други индиректни системски пропусти.