Во Струмица одбележани 21 година од смртта на претседателот Борис Трајковски
Македонија денеска одбележува 21 година од авионската несреќа во која животот го загуби поранешниот претседател, Борис Трајковски, членовите на неговиот кабинет и екипажот на авионот. Почит му оддаде и родната Струмица...
Родната Струмица му оддаде почит на својот сограѓанин и претседател Борис Трајковски, кој пред 21 година загина во авионска несреќа кај Мостар во Босна. Пред споменикот Македонија, претставници на повеќе организации и институции положија свежо цвеќе. Трајковски беше визионер. За него интересите на државата и граѓаните беа секогаш во преден план.
Освен Трајковски при падот на „Кингерот“ кај Мостар загинаа и портпаролот Димка Илкова Бошковиќ, советниците Ристо Блажевски и Анита Лозановска, претставникот на МВР Миле Крстевски, телохранителите Аце Божиновски и Борис Велиновски, како пилотот и копилотот на авионот, Марко Марковски и Бранко Ивановски.
Во јавноста сè уште останува мистерија што се случувало во првите 24 часа по падот на авионот. Двете истраги констатираа дека процедуралните грешки пред слетувањето, но и системски пропусти се причините за авионската несреќа.
Трајковски за претседател на Република Македонија беше избран во 1999 година.
Ване Трајков