Аква паркот и Матка спас за Скопјани од жешкото време

Спас од жешките августовски денови граѓаните гледаат во Аква Паркот, кој работи од 10 до 20 часот. Вжештениот асфалт ги избрка граѓаните, но и туристите од главниот град . Некои од нив спасот го побараа во мрзливата река, на тобоганите и во базенот со бранови. За некои чистиот и постуден воздух беш опција да го поминат денот..

„Многу е убаво тука... Најзабавно е на оваа банана... Поопасните како што е...адреналинот...Воопшто не ми е страв да се пуштам по тобоганот...Доаѓам често, еднаш неделно...“, велат посетителите кои ги затекнавме во Аква Паркот.

И денеска странците со фотоапарати сакаа да ги овековечат убавините на ова место, неколку километри од главниот град, да дишат чист воздух и да уживаат во она што им го нуди Матка.

„Луѓето се прекрасни, се е прекрасно, многу ми се допаѓа... Одамна не сме биле, порано доаѓавме 2, 3 пати месечно...Денеска дојдов случајно. Инаку од Охрид сме...“, велат граѓаните кои ги сретнавме на Матка.

Дивата природна убавина, пониските температури за неколку степени, свежиот воздух  се причината што Матка секогаш е преполна со домашни и со странски туристи. Ова е едно од местата за Скопјани кои одлучија овој период од летото да останат дома.

Ана Јосифоска- Тодоровска