Членови на Стоматолошката комора се соочуваат со притисоци и противзаконски санкции

Револтирани членови на Стоматолошката комора бараат оставка од претседателот Маријан Денковски. Велат во Комората наместо да ги штити интересите на стоматолозите, врши нелегален прогон на неистомисленици и на лекари кои ќе укажат на незаконско работење. Се соочуваат со притисоци и противзаконски санкции.

„Кодексот по кој се одземаат мандати и се изрекуваат казни не е објавен во службен весник. Воспоставена е дури и казна од три илјади евра за доктор, а глоба во пари може да изрече само државен орган врз основа на закон. Таа одредба е ставена само за да им биде набиен стравот на колегите стоматолози“, изјави д-р Милан – член на Стоматолошката комора.

„Бараме веднаш министерот за здравство да постапи согласно неговите законски надлежности и да стави крај на ваквото владеење“, изјави д-р Амела Цана – член на Стоматолошката комора.

Претседателот на комората не е изненаден од овие обвинувања, вели траат со години. Тврди работат според законот. Тоа го покажале и постојаните контроли на државните институции.

„Доколку има некакви проблеми, досега и Државниот санитарен и здравствен инспекторат, како и Комисијата испратена од министерот за здравство ќе утврдеа неправилности и може ќе се разговараше на таа тема. Но, во моментов работиме согласно јавните овластувања, согласно законот за здравствена заштита. Ова е неразбирлива работа од нив, што е намерата само тие знаат“, изјави Маријан Денковски – претседател на Стоматолошка комора.

Претседателот Маријан Денковски ги повика членовите во Комората, за да ги расчистат несогласувањата и да изнајдат решение.

Андријана Ѓурческа