Жестока расправија меѓу Трамп и Зеленски пред медиумите во Овалната соба

Посетата на украинскиот претседател Зеленски на Белата куќа, прекината порано од планираното. Имаа жестока расправија со Трамп пред медиумите, во Овалната соба. Зеленски ја напушти Белата куќа, а беше откажана и заедничката прес-конференција на која требаше да се потпише и договорот за минерали. По средбата Зеленски – Трамп, Стејт департментот ја прекинува поддршката за обнова на енергетската мрежа на Украина!

Веднаш по заминувањето од Белата куќа, украинскиот претседател им се заблагодари на САД, на американскиот претседател, на Конгресот и на американскиот народ.

„На Украина ѝ треба праведен и траен мир, а ние работиме токму на тоа“, рече Зеленски.

Реакции и од европските лидери. Францускиот претседател Макрон и полскиот премиер Туск му порача на Зеленски дека не се сами.

Заменик-претседателот на рускиот Совет за безбедност, Дмитриј Медведев пак не бираше зборови. Трамп е во право-режимот во Киев се „коцка со третата светска војна!