ПКК објави прекин на огнот со Турција

Курдската работничка партија – ПКК објави прекин на огнот со Турција. Ова следуваше по апелот на нејзиниот лидер, Абдула Оџалан кој повика на положување на оружјето што може да стави крај на 40-годишниот конфликт со Анкара.

ПКК побара ослободување на Оџалан, кој 26 години е зад решетки, каде отслужува доживотна казна на островот Имрали во близина до Истанбул.

Оџалан побара курдската работничка партија, која Турција и западните сојузници ја сметаат за терористичка организација, да одржи конгрес и формално да се согласи на самораспуштање.