Нова реколта тутун со нови цени
Денеска и официјално почнува новата производствена година на тутун. Почна склучувањето договори. Откупувачите со различна цена, нешто зголемена иако не колку што бараа производителите. Дали различните цени ќе доведат до зголемен интерес и до пазарен натпревар за повисока цена?...
Од денеска почна склучувањето договори за новото производство на тутунот. Тутунарите сега ќе бираат. Десетте откупувачи понудија различни цени, за 5 насто повисоки од лани и го отворија конкурентскиот пазар.
Од Министерството за земјоделство сметаат дека се зголемува интересот зашто се пријавуваат повеќе парцели за тутун, а прилепскиот комбинат ќе откупу повеќе од лани.
Од Сојузот на тутунските здруженија кој побара 30-на насто зголемени цени велат дека како и лани крајните цени ќе се уредуваат со анекси.
Годинашнава реколта, првично се очекува да биде од 20.000 до 22.000 тони и да се засади на преку 16.000 хектари.
Елизабета Митреска