Денеска се одбележува Светскиот ден на обезноста

Под мотото „Менување на системи за поздрав живот“ денеска на Клиниката за ендокринологија, дијабетес и метаболички нарушувања ќе биде одбележан Светскиот ден на обезноста.

На настанот најавено е присуство на претставник од Министерството за здравство, Фондот за здравствено осигурување, претседателот на Научното здружение за обезност ОБЕМ и директорот на Клиниката за ендокринологија.

Лекарите апелираат да се разбие стигмата околу обезноста и да се подигне свеста дека секое обезно лице треба навреме да се јави на лекар за да се третира обезноста. Предупредуваат дека обезноста е сериозна комплексна хронична болест која доколку не се препознае навреме, може да доведе до појава на околу 200 други хронични болести.

Во земјава е отворен и Центар за менаџирање на дебелина кој работи во рамки на Клиниката за ендокринологија, дијабетес и метаболички заболувања.