Папата Франциск вратен на механичка вентилација

Папата Франциск поминал добра ноќ и се одмора, соопшти Светата столица.

Папата вчера претрпе две кризи, по што повторно бил ставен на механичка вентилација. Неговата клиничка состојба останува сложена, а лекарите се внимателни во прогнозите.

Папата на 14-ти февруари беше примен во римската болница „Агостино Џемели“ поради респираторни проблеми, кои брзо прераснаа во пневмонија на двете белодробни крила.

Ова е негово најдолго отсуство од почетокот на мандатот во март 2013-та година.