САД во директни разговори со Хамас

САД со последно предупредување до Хамас да ги ослободи сите израелски заробеници кои се држат во Газа, а нивните лидери да го напуштат Појасот. Заканата доаѓа откако Белата куќа ги потврди директните разговори со милитантите за прв пат по 28 години и покрај политиката на Вашингтон да не преговара со терористи.

„Специјалниот пратеник кој е ангажиран во тие преговори има овластување да разговара со секого. За ова прашање беше консултиран и Израел. Дијалогот е во интерес на американскиот народ и го докажува добронамерниот напор на претседателот. Во прашање се американски животи“, изјави Каролин Левит, портпаролка на Белата куќа.

Истовремено Обединетите Нации повикаа Тел Авив под итно да дозволи влез на хуманитарната помош во Газа и ги повикаа двете страни да најдат решение за продолжување на следните фази од договорот за прекин на огнот и ослободување на заложниците.