Муцунски бара извинување од Кузеска, во спротивно ќе се поведе постапка за навреда, клевета и нарушување на угледот

Невистинити се обвинувањата на Кузеска, има 24 часа да се извини, во спротивно ќе поведат постапка за навреда, клевета и нарушување на угледот, вели шефот на дипломатијата Муцунски. Посочи дека станува збор за лажни тврдења, кои не соодветствуваат со фактичката состојба.

Проектот за кровната конструкција е тековно одржување на објектот на министерството, со единствена цел превенција од натамошни оштетувања и поплавување – проблем што настана како резултат на несоодветното одржување на зградата во изминатите години, кога институцијата беше под раководство на ДУИ и СДСМ.

Постапката за јавна набавка е спроведена целосно законски, транспарентно и во согласност со сите важечки правни процедури, стои во Фејсбук-објавата на Муцунски.