Започна изградбата на македонско-грчкиот граничен премин „Маркова Нога“
Започна изградбата, се постави камен - темелник на македонско – грчкиот граничен премин „Маркова Нога-Герман“ кај селото Долно Дупени...
Капитален милионски проект кој чини околу 17 милиони евра е дел од финансиската програма ЕУ за Преспа. Се очекува реализацијата на овој проект да заврши за 16 месеци, во истовреме ќе се гради и од грчка страна. Проектот опфаќа изградба на современа административна зграда за Царинската управа, но и целосна инфраструктура водоснабдување и канализација, потпорни ѕидови, улици и паркинг.
Изградбата на граничниот премин „Маркова нога“ се смета за нова ера, од исклучителна важност не само за земјава туку и целиот регион. Се очекуваат големи културни, социјални и еколошки придобивки, зголемена економска и туристичка размена.
Граничниот премин „Маркова Нога – Герман“ е затворен пред 58 години. Повторно отворање беше најавено уште со потпишување на Преспанскиот договор, се очекува да биде ре-отворен во 2028 година.
Соња Рилковска