Таравари нагласи дека засега има доволно количини крвни единици

Повредените од пожарот во дискотеката во Кочани се згрижени низ државните болници и на Клинички центар во Скопје и на сите им е укажана медицинска помош, засега имаат капацитети државните болници да ги згрижат сите повредени, изјави министерот за здравство, Арбен Таравари.

Нагласи дека засега има доволно количини крвни единици, но доколку има потреба ќе упатат апел до граѓаните за дарување крв.

Била понудена помош и од држави од соседството, изјави министерот.

По посетата на Ургентниот центар најави дека ќе замине за Штип, а од таму за Кочани за да добие точни информации.