Јеменските бунтовници Хути тврдат двапати го нападнале американскиот носач на авиони „Хари Труман“

Јеменските бунтовници Хути тврдат дека за 24 часа двапати го нападнале американскиот носач на авиони „Хари Труман“ со голем број балистички и крстосувачки ракети и дронови.

Хутите објавија дека нападите ги извршиле како одговор на американските гранатирања врз териториите што ги контролираат во Јемен, вклучувајќи го и главниот град Сана.

Советникот за национална безбедност на САД, Мајк Волц, не исклучува употреба на сила против Иран, поради поддршката за јеменските Хути и потенцијалниот развој на нуклеарно оружје.