Калас: Условите што ги претстави Русија покажуваат дека тие не сакаат мир
Поддршката за Киев една од темите на Советот за надворешни работи на Унијата во Брисел.
Условите што ги претстави Русија покажуваат дека тие не сакаат мир, изјави шефицата за надворешна политика на ЕУ, Калас. Поддршката за Киев една од темите на Советот за надворешни работи на Унијата во Брисел.
„Сега треба навистина да видиме дека топката е на теренот на Русија и какви услови претставуваат тие, што е големо прашање дали сакаат мир. Овие услови што ги претставија, покажуваат дека тие навистина не сакаат мир, всушност ни ги претставуваат условите на сите нивни крајни цели што сакаат да ги постигнат од војната“, изјави Каја Калас, висок претставник на ЕУ за надворешни работи и безбедносна политика.
Покрај Украина, Блискиот Исток, Сирија и улогата на Иран, како и односите меѓу ЕУ и САД се теми на заседанието во Брисел.