Повредените на лекување во Турција и Србија

Деветмина од повредените се пренесени во болница во Турција. Тројца се хоспитализирани во Истанбул, шестмина се третираат во Анкара. Уште девет пациенти се во Ургентниот центар на Србија, а тројца пациенти се примени на Воено-медицинската академија.

12 пациенти со авион на српската армија беа пренесени од Скопје во Белград, во придружба на четворица лекари и четворица медицински техничари.

Повредите им се тешки, имаат изгореници и на 28 проценти од кожата. Двајца пациенти со воени амбулантни возила беа пренесени во Воената болница и во Клиничкиот центар во Ниш.